ÞJÓNUSTUVERKSTÆÐI
Á þjónustuverkstæðum Jaguar Land Rover
við Hestháls 6-8 hafa regluleg sótthreinsiþrif
verið tekin upp á öllum helstu snertiflötum
húsnæðis auk þess sem svæðaskiptingar og
fjölda- og fjarlægðartakmarkanir
Almannavarna eru virtar í hvívetna.
Á þjónustuverkstæðum eru allir bílar
viðskiptavina nú sveipaðir plasthlíf á stýri,
gírstöng, sætum og á gólfi meðan á
þjónustunni stendur. Bifvélavirkjar nota
einnota hanska við störf og eru allir helstu
snertifletir á stjórnborði bílanna síðan
sótthreinsaðir að þjónustu lokinni. Bíllyklar
viðskiptavina eru sótthreinsaðir fyrir og eftir
þjónustuskoðun og afhentir viðskiptavini á
ný í lokuðum plastpoka.