ALGENGAR SPURNINGAR UM PIVI OG PIVI PRO UPPLÝSINGA- OG AFÞREYINGAKERFI

**Hvernig uppfæri ég kort leiðsögukerfisins?** Kortin eru uppfærð sjálfkrafa í bakgrunni (framboð misjafnt á milli markaðssvæða). Einnig er hægt að hlaða kortum niður endurgjaldslaust innan upphaflegs ábyrgðartímabils bílsins (framboð misjafnt á milli markaðssvæða) í gegnum tengilinn hér að neðan:
**Jaguar:** Japan: www.jaguar.co.jp/pivimap Kína: www.jaguar.com.cn/pivimap Suður-Kórea: www.jaguar.co.kr/pivimap Önnur lönd: www.jaguar.com/pivimap
**Hvernig vel ég mismunandi kort á sýndarmælaskjánum?** Til að breyta útliti gagnvirka ökumannsskjásins skaltu opna stillingarnar í gegnum stýrið. Frekari kjörstillingar fyrir ökumannsskjá er að finna í helstu aðalstillingum „Pivi Pro > > Navigation > > Driver Display“ (Pivi Pro > leiðsögn > ökumannsskjár).
**Af hverju stöðvast leiðsögukortið þegar ég klíp saman fingrum til að nota aðdrátt?** Um leið og þú framkvæmir aðgerð á kortinu er það stillt á „Explore“ (skoða). Þetta gerir þér kleift að finna staði og athuga leiðina eða umferðina á viðkomandi svæði o.s.frv. Kortið er sjálfkrafa stillt á leiðsögn eftir 60 sekúndur eða þegar ýtt er á miðjunarhnappinn neðst á snertiskjánum.
**Stundum passa upplýsingar um hámarkshraða í leiðsögukerfinu ekki við hámarkshraðann á umferðarskiltunum. Af hverju er þetta?**
Ef bíllinn er búinn umferðarskiltagreiningu birtast upplýsingar sem bæði eru byggðar á gagnagrunni kortsins og umferðarskiltum við vegi. Við vissar aðstæður getur það gerst að myndavélar bílsins greina ekki umferðarskilti, til dæmis ef umferðarskiltið er nálægt vegamótum á hliðarvegi eða kerfið les skilti á aðrein eða frárein eða á vegamótum
Ef bíllinn er ekki búinn umferðarskiltagreiningu byggjast upplýsingar um hámarkshraða á upplýsingunum sem lágu fyrir þegar kortagrunnurinn var búinn til. Athugaðu: Hraðatakmarkanir og staðsetningar hraðamyndavéla eru uppfærðar í hvert sinn sem kortin eru uppfærð. Þó að allt sé gert til að veita nákvæmar upplýsingar er ábyrgðin á því að fylgja umferðarreglum ávallt á herðum ökumanns.

**Hversu mörg leiðarmerki get ég búið til á leið?** Þú getur sett niður eins mörg leiðarmerki á leið og þú vilt, þar á meðal áfangastaðinn. Þeim er raðað í þeirri röð sem þú bætir þeim við. Ýttu á stækkunarörina þar sem upplýsingar um áætlaðan komutíma birtast í leiðsögninni til að endurraða leiðarmerkjum. Þetta birtir öll leiðarmerkin.
**Af hverju sýnir upphafsskjárinn áætlaðan komutíma (ETA) fyrir áfangastað sem ég hef ekki valið?** Leiðsögukerfið lærir inn á reglulega aksturinn þinn og áætlar að þetta gæti verið mögulegur áfangastaður. Áætlaður komutími samsvarar þessum áfangastað, miðað við umferðaraðstæður hverju sinni. Þegar kveikt er á „Commutes“ (daglegur akstur) kann kerfið að birta þér áætlaðan komutíma, jafnvel þótt þú hafir ekki tilgreint áfangastað, auk þess að vara þig við hugsanlegum vandamálum á leiðinni sem þú ekur helst. Ef þú ekur stundum aðra leið á sama áfangastað lærir kerfið hana líka. Þegar fleiri en ein leið hefur verið skráðar fyrir sama áfangastað sýnir kerfið fljótlegustu leiðina og áætlaða komutímann miðað við aðstæður hverju sinni. Þegar þú hefur ferð birtist hún sem lína á kortinu en nákvæm leiðsögn er ekki lesin upp, þar sem gert er ráð fyrir að þú þekkir leiðina. Ef umferðaraðstæður fara aftur á móti versnandi og þú víkur frá núverandi leið, og notar ekki aðrar leiðir sem þú hefur áður farið á þennan áfangastað, mun kerfið spyrja hvort þú viljir skipta yfir í nákvæma leiðsögn. Þetta getur verið sérstaklega gagnlegt ef þú ert á ókunnum stað. Ef fljótari leið finnst, sem þú hefur ekki ekið áður, mun kerfið stinga upp á fljótari leiðinni. Þegar þú ekur hjáleið inn á ókunna vegi mun kerfið virkja nákvæma leiðsögn (að því gefnu að snjallraddleiðsögn sé virk). Þegar þú kemur aftur inn á vegi sem þú þekkir slekkur kerfið sjálfkrafa á raddleiðsögninni.
**Hversu margar ferðir þarf ég að aka á sama áfangastað áður en eiginleikinn „Commute“ (daglegur akstur) lærir leiðina?** Almennt tekur það eiginleikann „Commute“ tvær ferðir á sama áfangastað frá sama upphafsstað að læra leiðina. Tíminn verður einnig að vera innan +/- 1 klukkustundar frá upphafstíma lærðrar leiðar.
**Hvernig vel ég áfangastað?** Nokkrar aðferðir eru í boði við að velja áfangastað með Pivi Pro1. Í fyrsta lagi eru aðferðirnar sem eru í boði á leiðsagnarreitnum á upphafsskjánum þegar enginn áfangastaður hefur verið valinn:
1. Veldu heimilið þitt sem áfangastað. Þú ýtir einfaldlega á heimilistáknið á leiðsagnarreitnum á upphafsskjánum. Kerfið reiknar leiðina út frá kjörstillingum þínum, sem hægt er að breyta í leiðsagnarstillingunum.
Athugaðu: ef staðsetning hefur ekki enn verið valin fyrir heimili mun kerfið ræsa leiðsögukerfið og leiða þig í gegnum ferlið til að velja staðsetningu. Til öryggis kann að vera betra að velja staðsetningu sem er skammt frá heimilinu þínu. Þannig er komið í veg fyrir að raunveruleg staðsetning heimilisins sé sýnd ef bílnum er stolið.
2. Þegar ýtt er á leitartáknið í leiðsagnarreitnum er leiðsögukerfið opnað með sjálfgefinni leitarsíðu. Ýttu á tákn fyrir flokk áhugaverðra staða, t.d. fyrir mat og drykk, eða ýttu á leitarstikuna til að slá inn tiltekinn stað, heimilisfang eða póstnúmer, þar sem það er stutt. Hægt er að slá heimilisföng inn sem eina línu. Um leið og þú slærð stafina inn leitar kerfið að mögulegum samsvörunum ásamt því að bjóða upp á sjálfvirkar tillögur að leitarorðum. Þegar ýtt er á nokkrar niðurstöður eða á táknið til að fela lyklaborðið eru niðurstöður birtar út frá þeim stöfum sem slegnir hafa verið inn. Ýttu á niðurstöðu. Kerfið birtir nú samsvarandi niðurstöðulista.
Hér er dæmi um hvernig þetta virkar í raun. Ýttu á leitarstikuna, sláðu inn „star“ og ýttu á „results“ (niðurstöður). Kerfið sýnir samsvaranir sem innihalda „star“. Ýttu á „Starbucks“ til að sjá alla Starbucks-staði í nágrenni þínu. Kortið uppfærir leitarsvæðið þegar þú breytir aðdrætti eða hreyfir kortið til. Ýttu á „Go“ (af stað) til að hefja leiðsögn samstundis eða ýttu á staðinn til að fá frekari upplýsingar.
Einnig er hægt að ýta tvisvar á leiðsagnartáknið neðst á snertiskjánum. Þetta er flýtileið á stillingaskjámyndina fyrir „Destination“ (áfangastaður). Þar getur þú valið einn af þremur valkostum: „Address entry“ (innsláttur heimilisfangs) (með póstnúmeri), „Search“ (leit) eða „Destinations“ (áfangastaðir). „Destinations“ getur verið „Home“ (heimili), „Recent destinations“ (nýlegir áfangastaðir), „Favourite destinations“ (eftirlætis áfangastaðir), „Shared destinations“ (sameiginlegir áfangastaðir) eða „Commutes“ (daglegur akstur).
1. Þegar daglegur akstur í boði er hann birtur á leiðsagnarreitnum á upphafsskjánum. Ef fleiri en ein dagleg akstursleið eru í boði, miðað við staðsetningu þína og tíma dags, birtist „commutes available“ (mögulegur daglegur akstur). Ef þú ýtir á leiðsagnarreitinn birtist listi yfir þær daglegu akstursleiðir sem eru í boði.
2. Einnig er hægt að velja áfangastað á kortaskjámyndinni og ýta á valmyndarhnappinn niðri í horni kortsins. Aftur verða þrír mögulegir áfangastaðir sýndir, „Address“ (heimilisfang), „Search“ (leit) og „Destinations“ (áfangastaðir).
3. Einnig er hægt að senda staði eða áfangastaði í bílinn í gegnum snjallsímaforritið Route Planner eða af Route Planner-vefsvæðinu. Staður sem er vistaður í Route Planner birtist í eftirlætis áfangastöðunum þínum þegar bíllinn þinn er tengdur við internetið og búið er að samstilla áfangastaðina. Ef leiðsögn er opin á skjánum þegar nýr áfangastaður berst úr Route Planner birtist áfangastaðurinn sem sprettigluggi. Ef þú ýtir á „use now“ (nota núna) staðfestir þú áfangastaðinn í leiðsögukerfi bílsins. Staðir sem eru tilgreindir sem áfangastaðir í Route Planner birtast sem nýlegir áfangastaðir.
**Af hverju birtist ekki áfangastaðurinn sem ég sendi í bílinn?** Aðeins er hægt að taka á móti áfangastöðum þegar viðeigandi gagnatenging er til staðar í bílnum. Í einhverjum tilvikum kann mikil gagnaumferð á farsímakerfinu eða slæm móttökuskilyrði að koma í veg fyrir að kerfið geti móttekið áfangastaðinn, jafnvel þótt kerfið sýni að það sé tengt.
**Hvernig get ég skoðað aðrar leiðir?** Sprettigluggi opnast í stutta stund þegar búið er að velja áfangastað og staðfesta hann með því að ýta á „GO“ (af stað). Ýttu á „Routes“ (leiðir) til að skoða sjálfgefnu leiðina (efst á listanum) og allt að tvær aðrar leiðir. Veldu leiðina sem þú vilt nota og ýttu á „start“ (ræsa) til að hefja leiðsögn.
**Hvernig leita ég að áfangastað?** Þú slærð einfaldlega inn stað, póstnúmer eða heimilisfang í leitargluggann. Ekki skiptir máli þótt þú stafir nafnið/heimilisfangið rangt. Leitareiginleikinn nær yfirleitt að greina fyrirhugaða staðsetningu. Ýttu á fjölda niðurstaðna eða hnappinn til að fela lyklaborðið til að sjá tengdar niðurstöður.
Ef bíllinn er með gagnatengingu mun leitin sækja nýjustu upplýsingarnar í skýinu sem og í gagnagrunni bílsins.
**Hver er skilvirkasta leiðin til að leita að áfangastað?** Þú getur sparað tíma með því að ýta á táknið til að fela lyklaborðið eða fjölda niðurstaðna eftir að búið er að slá inn nógu marga stafi til að kerfið sýni að fimm niðurstöður hafi fundist í bíl með 10" snertiskjá eða átta niðurstöður, ef um er að ræða bíl með stærri skjá. Þetta birtir lista yfir allar mögulegar niðurstöður. Þegar ýtt er á atriði á listanum leitar leiðsögukerfið að niðurstöðum út frá textanum sem sleginn er inn.
**Af hverju er ekki hægt að bæta við húsnúmeri þegar slegið er inn póstnúmer með innsláttaraðferð fyrir heimilisfang?** Valkosturinn fyrir innslátt póstnúmers leitar að samsvörun innan viðkomandi póstnúmers. Aftur á móti er hægt að leita eftir götuheiti og húsnúmeri.
**Af hverju birtist eldsneytisviðvörunin stundum þegar ég vel áfangastað?** Þetta er gert til að vara þig við að það sé of lítið eldsneyti á bílnum til að aka þessa leið án þess að fylla á bílinn á leiðinni.
Ýttu á eldsneytis-/rafmagnsviðvörunina til að setja áfyllingarstopp inn á leiðina. Þetta sýnir bensín-/hleðslustöðvar á leiðinni nálægt þeim stað sem þú kemur til með að þurfa að fylla á. Þessi valkostur sýnir einnig nákvæmari áætlaðan komutíma.
**Hvað er komuglugginn?** Þegar þú ert í um það bil fimm mínútna fjarlægð frá áfangastaðnum opnast komusprettigluggi sem gerir þér kleift að leita að bílastæði. Þegar þú ýtir á „show parking“ (sýna bílastæði) opnast listi yfir bílastæðin sem eru næst áfangastaðnum. Fjarlægðin á milli áfangastaðarins og hvers bílastæðis fyrir sig er sýnd. Þegar þú ýtir á „Go“ (af stað) er bílastæðinu bætt við sem leiðarmerki.
**Hvað er snjallraddleiðsögn?** Ef kveikt er á snjallraddleiðsögn í leiðsagnarstillingum þegar ekið er eftir reglubundnum leiðum lætur leiðsögukerfið þig vita af umferðartöfum á leiðinni og stingur upp á annarri leið ef hún er í boði. Ef nýja leiðin felur í sér vegi sem þú þekkir ekki mun kerfið sjálfkrafa virkja raddleiðsögn og nákvæmar sjónrænar leiðbeiningar. Þegar þú kemur aftur á vegi sem þú þekkir er sjálfkrafa slökkt á raddleiðsögninni.
**Hvað er „Commutes“ (daglegur akstur)?** Kerfið lærir leiðir sem þú ekur á milli tveggja ákveðinna staða, t.d. frá vinnu til heimilis og öfugt. Kerfið getur einnig lært aðrar reglulegir leiðir sem eknar eru á svipuðum tíma dags.
Á upphafsskjánum (sem og í aðalleiðsögninni) birtir kerfið allt að þrjá áætlaða áfangastaði byggða á því sem kerfið hefur lært. Áfangastaðurinn verður sýndur ásamt vegi á leiðinni sem gerir þér kleift að greina á milli leiða þar sem þú hefur ekið fleiri en eina leið að tilteknum áfangastað. Áætlaður komutími er einnig sýndur til að gera þér kleift að sjá í fljótu bragði hvort ferðatíminn verði í samræmi við hefðbundinn áætlaðan aksturstíma eða ekki.
**Hvernig virkar sjálfvirk ræsing fyrir „Commute“ (daglegur akstur)?** Leiðsögukerfið getur ekki veitt upplýsingar um mögulegar tafir á leið ef ekki er búið að velja leið eða slökkt er á leiðsögn „Commutes“ (daglegur akstur). Ef kveikt er á sjálfvirkri ræsingu „Commute“ í stillingum leiðsagnar getur kerfið aftur á móti birt nokkuð nákvæma tillögu að áfangastað (byggt á reglulegum leiðum sem það hefur lært). Leiðsögn fyrir daglegan akstur er ræst sjálfkrafa, þar sem kerfið gerir ráð fyrir að þú fylgir nákvæmlega þeirri leið sem stungið er upp á.
Þegar kveikt er á leiðsögn fyrir daglegan akstur og tilkynnt hefur verið um umferðaróhapp á leiðinni kann kerfið samt sem áður að láta þig vita (allt eftir staðsetningu slyssins og þeim leiðum sem eru í boði) til að þú getir valið aðra leið, gerist þess þörf.
**Hvað virkjar stillingin „mirror info panel“ (varpa upplýsingaglugga) í stillingum leiðsagnar fyrir gagnvirka ökumannsskjáinn?** Þegar ýtt er á stækkunarörina við hliðina á upplýsingum um næstu beygju á leiðsagnarskjámynd snertiskjásins opnast upplýsingagluggi fyrir mismunandi upplýsingar til hliðar við aðalleiðsagnarkortið. Hægt er að breyta því hvaða upplýsingar eru birtar með því að strjúka til vinstri og hægri í glugganum. Á meðal valkosta eru beygjulistar, áttaviti, umferðalistar, kort af eftirstandandi leið og leiðaryfirlit. Þegar kveikt er á valkostinum „mirror info panel“ í stillingum leiðsagnar er upplýsingaglugginn á snertiskjánum einnig opinn til hliðar við kortið á gagnvirka ökumannsskjánum þegar það er stillt fyrir allan skjáinn. Þetta býður upp á að birta allar helstu leiðsagnarupplýsingar beint fyrir framan ökumanninn og birta aðrar upplýsingar á snertiskjánum.

**Ég valdi gervitunglakort en það er aðeins birt á einum skjá. Af hverju er það?** Stillingar leiðsagnar gera þér kleift að velja gervitunglakort fyrir annaðhvort gagnvirka ökumannsskjáinn eða snertiskjáinn, þannig að þú getur valið að hafa mismunandi kort á skjáunum.
**Þegar ég leita að áfangastað eru upplýsingar um vegalengd birtar en eftir að ég staðfesti áfangastaðinn eykst vegalengdin yfirleitt verulega?** Vegalengdin er yfirleitt reiknuð eftir beinni línu til að tryggja hraðari birtingu leitarniðurstaða. Vegalengdin er reiknuð á nákvæmari hátt þegar öll leiðin er skipulögð.
**Hvernig get ég leitað að áhugaverðum stöðum á leiðinni?** Veldu flokk yfir áhugaverða staði eða sláðu inn leitarskipun, t.d. „Italian restaurants“ (ítalskir veitingastaðir). Skoðaðu leiðina á kortinu. Ítalskir veitingastaðir eru birtir eftir nokkrar sekúndur
**Hvernig er gagnagrunnurinn yfir hraðamyndavélar uppfærður?** Myndavélagagnagrunnurinn uppfærist þegar kortagagnagrunnurinn er uppfærður.
Við sýnum staðsetningu hraðamyndavéla til að leggja áherslu á staði þar sem bílslys eru algeng. Markmið okkar er að tryggja öryggi viðskiptavina okkar, farþega þeirra og annarra vegfarenda.
Þó að allt sé gert til að veita nákvæmar upplýsingar er ábyrgðin á því að fylgja umferðarreglum ávallt á herðum ökumanns.

**Get ég valið hvaða tilkynningar eru birtar í leiðsögn í stillingunni „guidance“ (leiðsögn)?** Já, þú getur valið hvaða tilkynningar eru birtar í stillingum leiðsagnar.
**Get ég kveikt á lesnum umferðarviðvörunum frá staðbundnum útvarpsstöðvum?** Já. Opnaðu „Settings > All > Apps > Media > AM FM Settings > Traffic Announcements > On“ (stillingar > allt > forrit > margmiðlun > AM/FM-stillingar > umferðartilkynningar > kveikt)

**Hvað er Wi-Fi fyrir gagnaáskrift?** Wi-Fi fyrir gagnaáskrift býður upp á heitan 4G/LTE Wi-Fi reit (allt eftir gerð bíls) í bílnum þínum sem gerir farþegum kleift að tengja mörg tæki við internetið um 4G/LTE-tengingu bílsins. Kerfið nýtir loftnetið á þakinu til að auka áreiðanleika tengingar í akstri. Þetta skilar gagnatengingu með betri sendistyrk (samanborið við snjallsíma í innanrými bílsins) þar sem málmur í yfirbyggingu bílsins getur heft móttöku gagna.
**Býður Wi-Fi fyrir gagnaáskrift upp á samfellda Wi-Fi tengingu í akstri?** Heitur Wi-Fi reitur⁸ nýtir farsímakerfi. Hann skilar betri gagnatengingu en snjallsími í innanrými bílsins en virkar ekki utan þjónustusvæða farsímakerfa.
**Á hvers konar farsímakerfum virkar Wi-Fi?** Það virkar á 4G/LTE-farsímakerfum.
**Hvernig nota ég Wi-Fi fyrir gagnaáskrift?** Kveiktu á „Hotspot“ (heitur reitur) í valmyndinni „Settings > Connectivity'“ (stillingar > tengimöguleikar) til að hægt sé að tengja snjallsíma og spjaldtölvur við internetið.
**Hvað er „Wi-Fi“ á valmyndinni fyrir stillingar tengimöguleika?** Wi-Fi gerir þér kleift að tengjast Wi-Fi neti, til dæmis neti heimilisins.
**Hverjir eru kostir þess að nota gagnatengingu bílsins í stað gagnatengingar snjallsímans?** Yfirbygging bílsins getur takmarkað styrk tengingar við farsímakerfi og gagnatengingu verulega vegna þess að málmur heftir flutning útvarpsbylgna.
Innbyggða SIM-kortið í bílnum þínum tengist við farsímakerfið með umtalsvert stærra loftneti utan á bílnum. Þetta eykur styrk gagnatengingarinnar við farsímakerfið.
**4G-táknið undir klukkunni er sýnilegt. Af hverju er samt hluti nettengds búnaðar ekki í boði?** Stundum er umferð um farsímakerfi of mikil eða þá að sendistyrkurinn er of veikur til að hægt sé að bjóða upp á nógu góða tengingu. Þetta getur valdið tímabundnu gagnatapi.

**Þarf ég SIM-kort til að tengja bílinn minn við internetið?** Nei, bíllinn þinn er með innbyggðu SIM-korti sem býður upp á notkun:
1.      Tengds búnaðar / þjónustu¹ Connected Navigation-kerfisins 2.       Wi-Fi fyrir gagnaáskrift⁸ 3.      Búnaðar / þjónustu⁴ nettengingarpakka Þessi þjónusta krefst áskriftar. Farsímagögn eru innifalin í áskriftinni og því er ekki þörf á öðrum áskriftarsamningum eða SIM-kortum á meðan áskriftin er í gildi.

**Af hverju man bíllinn ekki eftir Bluetooth-símanum mínum og parast sjálfkrafa við hann?** Þetta er líklega vegna þess að slökkt er á sjálfvirkri tengingu fyrir viðkomandi tæki í Bluetooth-stillingunum eða þá að önnur Bluetooth-tæki eru innan tengisviðs bílsins.
**Hversu mörg Bluetooth-tæki er hægt að tengja eða para?** Hægt að para allt að 10 Bluetooth-tæki og hafa tvö tæki pöruð samtímis. Þetta geta verið símar eða margmiðlunartæki. Fyrsta tækið sem er parað við Pivi/Pivi Pro1 verður aðaltækið. Hægt er að breyta þessu í stillingunum með því að opna „Settings > All > Connectivity > Bluetooth“ (stillingar > allt > tengimöguleikar > Bluetooth) og ýta á tækið sem þú vilt breyta.
**Ég er með tvo síma tengda. Hvernig get ég skipt um síma til að hringja símtöl?** Ýttu á símatáknið á neðri hluta snertiskjásins á símareit upphafsskjásins. Að því loknu geturðu valið hvaða sími er notaður til að hringja símtöl. Aðeins er hægt að nota hinn tengda símann til að svara símtölum. Á símaskjámyndinni er einnig hægt að ýta á auðkennda valtáknið efst á snertiskjánum. Að því loknu geturðu valið hvaða sími er notaður til að hringja símtöl.
**Hvernig get ég tengt aftur Bluetooth-tæki sem búið var að para?** Tenging síma eða margmiðlunartækis fyrir tónlist er mjög svipuð.
Til að tengja síma aftur notarðu símavalið á símareitnum á upphafsskjánum eða símavalið efst á snertiskjánum innan símaeiginleikans.
Ef þú ætlar að spila tónlist skaltu fylgja sömu skrefum en á margmiðlunarreitnum á upphafsskjánum eða inntaksvalinu á skjámynd margmiðlunarspilarans.
**Hljóðstyrkur virðist minni þegar ég hlusta á tónlist í símanum mínum / margmiðlunarspilaranum um Bluetooth samanborið við aðra hljóðgjafa.** Hljóðstyrksstilling tækisins sjálfs getur haft áhrif á hljóðstyrk í hátölurum bílsins. Auktu hljóðstyrkinn í tengda tækinu.

**Geta allir sem hafa aðgang að bílnum skoðað tengiliði og myndir sem ég hef hlaðið niður?** Nei, samstilltu tengiliðirnir þínir eru aðeins sýnilegir þegar síminn er tengdur við bílinn.
**Hvernig leita ég að tengiliðum í símatengiliðalistanum mínum?** Þú getur annaðhvort ýtt á eftirlætislistann (aðeins studdir símar) eða á hnappinn fyrir nýlegt á símareitnum á upphafsskjánum.
Veldu „Contacts“ (tengiliðir) á aðalsímaskjámyndinni. Ýttu á leitartáknið efst á skjánum til að opna lyklaborðið og byrja að leita að tengiliðnum sem þú leitar eftir. Niðurstöðulistinn uppfærist sjálfkrafa um leið og þú slærð inn stafi. Ýttu á hnappinn „x matches“ (x niðurstöður) eða hnappinn til að fela lyklaborðið til að skoða valkosti.
Einnig er hægt að opna lyklaborðið með því að ýta á bókstafinn öðrum megin við tengiliðina. Þegar ýtt er á bókstaf, t.d. F, er hoppað yfir á nafn þess tengiliðar sem byrjar á F.
Þú getur einnig notað raddstýringarhnappinn á stýrinu til að hringja í tengilið eða númer með raddskipun. Dæmi: „Call David Smith“ (hringja í David Smith) „Call David Smith Mobile“ (hringja í farsíma David Smith) „Dial 01234987654“ (hringja í 01234987654)