• JAGUAR F‑PACE

    Hagnýtasti sportbíllinn frá Jaguar.

  • Jaguar E‑PACE

    Fyrsti millistærðar sportjeppinn frá Jaguar. Í honum sameinast flott útlit, lipurð og kraftmiklir aksturseiginleikar.

  • JAGUAR I‑PACE

    Við kynnum til sögunnar I‑PACE Concept, forútgáfu af fyrsta rafmagnsbíl Jaguar.

  • JAGUAR F‑TYPE

    Kraftmikill, snarpur og auðþekkjanlegur F‑TYPE er sannkallaður Jaguar-sportbíll.

  • JAGUAR XE

    Háþróaðasti, sparneytnasti og fágaðasti fjölskyldusportbíll Jaguar frá upphafi.

  • JAGUAR XF

    Jaguar út í eitt. Afgerandi hönnun XF sker sig úr.

  • JAGUAR XJ

    Premium-lúxusfólksbíll, rúmgóður og fallegur en jafnframt kraftmikill og lipur.

AKSTURSEIGINLEIKAR

Aksturseiginleikar Jaguar-bíla eru rómaðir en XF færir þá skörinni hærra.

ÞÆGINDI OG KRAFTUR

Með óviðjafnanlegum þægindum í akstri og frábærum sportaksturseiginleikum býður XF upp á spennandi akstursupplifun. Hægt er að fá XF með bensín- eða dísilvél1 og möguleikinn á aldrifi og IDD-kerfi býður upp á enn betri akstursgetu við erfið akstursskilyrði.

Settu saman þinn eigin bíl

AKSTUR OG STÝRING

XF skilar einstakri svörun og kröftugum afköstum án þess að það komi niður á þægilegum akstri. Þetta er að hluta til að þakka léttri en ákaflega sterkri og stífri ályfirbyggingu XF. Hún er fullkomin undirstaða fyrir háþróaða tveggja spyrnu fjöðrun að framan og óskipta fjölarma fjöðrun að aftan og hún veitir XF yfirbragð sportbíls.

Ökutækin sem sjást í uppteknu myndefni á þessu vefsvæði eru mögulega ekki nákvæmlega í samræmi við nýjustu uppfærslur og endurbætur. Söluaðilar Jaguar veita upplýsingar um nýjustu tæknilýsingar.

SETTU SAMAN ÞINN EIGIN BÍL

spila
INNBLÁSIN FJÖÐRUN

INNBLÁSIN FJÖÐRUN

Fram- og afturfjöðrunarbúnaður XF er samsettur úr sterkum og léttum íhlutum úr áli. Að framan er tveggja spyrnu fjöðrun, svipuð og í F-TYPE, sem skilar stýringu sem á sér fáa sína líka í flokki sambærilegra bíla. Óskipt fjölarma fjöðrunin að aftan skilar stífni til að styðja við stýringu, auka gæði akstursins enn frekar og bæta við aksturseiginleika XF.

INGENIUM-LÍNAN

INGENIUM-LÍNAN

Ingenium-vélarnar frá Jaguar Land Rover eru ný tegund véla sem eru hannaðar fyrir hnökralaus afköst, fágun og skilvirkni. Framúrskarandi tækni og gegnheil álsmíði Ingenium skilar einstaklega lítilli eldsneytisnotkun og afgerandi minni losun koltvísýrings.

INGENIUM-BENSÍNVÉL

INGENIUM-BENSÍNVÉL

Nýju 2,0 lítra fjögurra strokka Ingenium-bensínvélarnar með hverfilforþjöppu í XF skila framúrskarandi afli og togi. Létt hönnun og notkun viðnámslítilla keflalega skilar mýkt og miklum afköstum.

INGENIUM-DÍSILVÉL

INGENIUM-DÍSILVÉL

Ingenium-tæknin liggur til grundvallar í þremur dísilvélunum í XF-bílunum. Þessar viðnámslitlu álvélar eru með stífum strokkstykkjum og tvöföldum sveifludeyfum sem gera það að verkum að titringur er í algjöru lágmarki. Allar vélarnar eru búnar Stop/Start-tækni1 og hugvitssamlegri endurnýtingarhleðslu þar sem hreyfiorka frá hemlun er notuð til að hlaða rafgeyminn til að hámarka sparneytni, sérstaklega við innanbæjarakstur.

3,0 LÍTRA 300 HÖ. V6-DÍSILVÉL MEÐ TVEIMUR HVERFILFORÞJÖPPUM

3,0 LÍTRA 300 HÖ. V6-DÍSILVÉL MEÐ TVEIMUR HVERFILFORÞJÖPPUM

3,0 lítra V6-dísilvél með hverfilforþjöppum skilar óviðjafnanlegu afli, snúningsvægi og aksturseiginleikum. Vélin er búin tveimur hugvitssamlega raðtengdum forþjöppum, þróun sem Jaguar Land Rover hefur leitt, og skilar sér í mýkri og viðbragðsbetri flutningi afls á öllu snúningssviðinu, sem og tveggja þrepa vatnskælingu til að spara orku.

VÉLAR INNBLÁSNAR AF F-TYPE

VÉLAR INNBLÁSNAR AF F-TYPE

Bensínvélar í öllum gerðum XF eru kraftmiklar og viðbragðsfljótar en jafnframt sparneytnar. 3,0 lítra V6-bensínvél með forþjöppu, sem líka er notuð í F-TYPE, skilar 380 hö. og togi upp á 450 Nm. Vélin er smíðuð úr áli og skilar tafarlausum afköstum og togi, hver sem vélarhraðinn er, auk þess að hljóma einstaklega vel.

SJÁLFSKIPTING

SJÁLFSKIPTING

Átta þrepa sjálfskipting XF er einstaklega viðbragðsgóð, mjúk og skilvirk skipting sem skilar hröðum gírskiptum til að tryggja hnökralausa hröðun. Gírskiptingin undir nútímalegum satínsvörtum skiptingarhnappinum býður upp á enn hraðari gírskiptingu, sportlegri skiptingu niður í kraftstillingunni og hraðari skiptingu upp í sparneytnu stillingunni. Einnig er hægt að skipta handvirkt um gíra með rofum í stýrinu.

BEINSKIPTING

Hér fer létt og háþróuð sex gíra beinskipting4 sem er einn af hornsteinum framúrskarandi vinnslu XF. Kassi úr áli, holir ásar og götuð tannhjól spara hvert einasta gramm þar sem það er í boði, sem gerir þetta eina léttustu eininguna í hennar flokki. Hún er sérstaklega hönnuð til að skila sömu afköstum og skiptingar sportbíla með mjúkum, stuttum hreyfingum og frábærum þægindum.

Ökutækin sem sjást í uppteknu myndefni á þessu vefsvæði eru mögulega ekki nákvæmlega í samræmi við nýjustu uppfærslur og endurbætur. Söluaðilar Jaguar veita upplýsingar um nýjustu tæknilýsingar.

Meira

ALDRIF OG IDD-KERFI

Nú er hægt að fá einstakt aldrif Jaguar með IDD-kerfi1 og AdSR-gripkerfi5 í öllum XF-bílum með bensín- og dísilvélum. IDD-hugbúnaðurinn er hannaður hjá Jaguar og búinn hugvitssamlegum reikniritum til að laga sig að ástandi vegar. Kerfið nýtir bæði fyrirbyggjandi aðgerðir og bregst við aðstæðum til að koma í veg fyrir gripmissi í stað þess að reyna að ná gripinu aftur. AdSR-gripkerfið eykur enn við fjölhæfni XF. Það virkar á öllum snúningssviðum vélarinnar og greinir sjálfkrafa mun á yfirborði til að ná hámarksgripi.

ASPC-GRIPKERFI

ASPC-gripkerfi6 Jaguar, einstakt í þessum flokki bíla, eykur öryggi þitt á hálu undirlagi - hvort sem þú ert að taka af stað í snjóþekju á bílastæðinu, að aka í ísilagðri brekku eða með eftirvagn eða bíl í eftirdragi á blautu grasi. Hér er um að ræða lághraða hraðastillingu sem gerir XE kleift að ráða við aðstæður þar sem grip er takmarkað, hvers kyns sem veðrið er, til að þú getir einbeitt þér að stýrinu.

Meira

RAFDRIFIÐ EPAS-AFLSTÝRI

Rafdrifna EPAS-aflstýrið í XF býður upp á frábært viðbragð og tafarlaust hjálparátak. Með háþróaðri tölvustýringu stýrishjálpar fínstillir EPAS-kerfið afl hjálparátaksins í hverri beygju og við hverja hreyfingu. Rafdrifna EPAS-aflstýrið vinnur einnig með öðrum aðstoðareiginleikum, eins og akreinastýringu8 og bílastæðaskynjara8 til að auka öryggi og þægindi ökumanns.

Meira
JAGUARDRIVE CONTROL-ROFINN

JAGUARDRIVE CONTROL-ROFINN

JaguarDrive Control-rofinn gerir þér kleift að velja á milli hefðbundinnar stillingar, sparneytinnar stillingar (Eco), kraftstillingar og hálkustillingar (fyrir rigningu, ís og snjó), með viðeigandi breytingum á viðbragði stýris, inngjafar og gírskiptipunkta. Sparneytna stillingin býður upp á minni eldsneytisnotkun á meðan kraftstillingin eykur viðbragð inngjafar, skiptir seinna um gír og þyngir stýri. Þegar hálkustillingin er valin dregur kerfið sjálfkrafa úr viðbragði inngjafarinnar og beitir hægara togi til að halda gripi á hálu yfirborði.

Nútímaleg og verðlaunuð hönnun Jaguar, framúrskarandi aksturseiginleikar og fyrsta flokks upplýsinga- og afþreyingarkerfi í bílnum er það sem aðgreinir XF frá keppinautum sínum. Notaðu hönnunarsvæðið okkar til að setja saman þinn fullkomna XF.

Settu saman þinn eigin bíl

1 Framboð misjafnt eftir markaðssvæðum.
2Tölur um afköst vélar og eldsneytisnotkun eiga eingöngu við um XF Saloon.
3 Staðalbúnaður í XF Sportbrake. Ekki í boði fyrir XF Saloon.
4Í boði með 2,0 lítra, fjögurra strokka 163 ha. og 2,0 lítra, fjögurra strokka 180 ha. Ingenium-dísilvélum með forþjöppu. Beinskipting er ekki í boði í XF Sportbrake með 2,0 lítra, fjögurra strokka 180 ha. Ingenium-dísilvél með forþjöppu.
5 AdSR-gripkerfið er í boði sem aukabúnaður með aldrifsbílum með Adaptive Dynamics-fjöðrun.
6 Eingöngu sjálfskipting.
7 Aukabúnaður í öllum vélum nema 2,0 lítra, fjögurra strokka, 163 ha. dísilvél. Staðalbúnaður í XF S.
8 Aukabúnaður.