ÖRYGGI
Allur búnaður er byggður á háþróuðum tæknilausnum og hannaður með það í huga að veita þér óviðjafnanlega akstursupplifun og öryggi.
BERÐU BÍLANA FRÁ OKKUR SAMAN
Bættu við allt að þremur gerðum til að bera saman
BÆKLINGAR OG VERÐLISTAR
Frekari upplýsingar um Jaguar-bíla
REYNSLUAKSTUR
Bókaðu reynsluakstur hjá næsta söluaðila
FINNA SÖLUAÐILA
Finndu næsta söluaðila Jaguar
I‑PACE er vel búinn öryggisbúnaði, hannaður til að verja þig, farþega þína, rafhlöðuna og aðra vegfarendur.
SETTU SAMAN ÞINN EIGIN BÍL
ÖRYGGISBYGGING
Yfirbygging I‑PACE er samsett úr áli og stáli til að tryggja stífa grind um rafhlöðuna og auka öryggi þeirra sem sitja í bílnum.
YTRA HLJÓÐKERFI
I‑PACE gefur frá sér hljóðmerki þegar honum er ekið hægar en 20 km/klst. til að gera gangandi vegfarendum vart við.
LOFTPÚÐAR
Sex loftpúðar, fyrir ökumann og farþega, loftpúðatjöld til hliða og fyrir efri hluta líkama, eru staðalöryggisbúnaður.
ISOFIX-FESTINGAR
Tvær ISOFIX-festingar fyrir barnabílstóla eru sín hvorum megin í aftursætunum. Ekki eru festingar á miðsæti aftursætisins.
ÞRÍVÍÐ UMHVERFISMYNDAVÉL
Nú í boði með 360° bílastæðakerfisbúnaði. Myndir frá fjórum myndavélum hringinn í kringum bílinn eru felldar saman til að bjóða upp á þrívíða mynd af bílnum og umhverfi hans á snertiskjánum, sem annars væri ekki hægt að sjá nema með því að stíga út úr honum. Þetta aukna útsýni einfaldar akstur þar sem ökumaður hefur betri yfirsýn yfir landslagið.
NEYÐARHEMLUN
Neyðarhemlun getur hjálpað til við að koma í veg fyrir árekstra við aðra bíla, gangandi vegfarendur og hjólreiðafólk með aðstoð myndavélar, ratsjár og úthljóðsnema. Ef hætta er á ákeyrslu gefur kerfið frá sér hljóðmerki og sjónræna viðvörun. Ef ökumaðurinn bregst ekki við beitir kerfið hemlunum til að draga úr höggi yfirvofandi áreksturs.
HRAÐASTILLIR OG HRAÐATAKMÖRKUN
Hraðastillirinn gerir ökumanni kleift að halda stöðugum hraða án þess að nota inngjafarfótstigið. Auk þess geturðu valið hámarksökuhraða fyrir bílinn með hraðatakmörkuninni.
UMFERÐARSKILTAGREINING OG SJÁLFVIRK HRAÐATAKMÖRKUN
Umferðarskiltagreining birtir upplýsingar um hámarkshraðaskilti og skilti sem banna framúrakstur á mælaborðinu. Ef sjálfvirk hraðatakmörkun er virk notar hún upplýsingar um hraðatakmarkanir til að stilla af ökuhraða bílsins.
ÖKUMANNSSKYNJARI
Ökumannsskynjarinn greinir hreyfingar stýris, hemla og inngjafarfótstigs til að ákvarða hvort þig er farið að syfja og lætur þig vita þegar þú ættir að taka þér hlé frá akstri.
AKREINASTÝRING
Greinir þegar bíllinn reikar yfir á næstu akrein og snýr stýrinu í rétta átt til að beina ökumanni og bílnum mjúklega til baka.
BÍLASTÆÐAKERFI AÐ FRAMAN OG AFTAN
Bílastæðakerfi að framan og aftan notar skynjara á fram- og afturstuðurum til að vara þig við nálægum hindrunum og auðvelda þér að mjaka bílnum til við þröngar aðstæður.
AKSTURSAÐSTOÐ: AUKABÚNAÐARPAKKAR
Hver pakki býður upp á úrval búnaðar sem stuðlar að auknu öryggi og betri upplýsingum. Blindsvæðishjálparpakki er staðalbúnaður í I-PACE SE og HSE. Akstursaðstoðarpakki er staðalbúnaður í I-PACE HSE. Bílastæðaaðstoðarpakki er aukabúnaður í öllum gerðum.
AKSTURSAÐSTOÐARPAKKI
BÍLASTÆÐAPAKKI
BLINDSVÆÐISHJÁLP
Blindsvæðishjálp getur komið í veg fyrir árekstra. Ef bíllinn greinir annan bíl á blindsvæðinu þegar verið er að skipta um akrein kviknar lítið viðvörunarljós á viðeigandi hliðarspegli og smávægilegu stýrisátaki er beitt til að fá ökumann til að stýra I‑PACE frá aðvífandi bíl.
UMFERÐARSKYNJARI AÐ AFTAN
Umferðarskynjari að aftan er sérstaklega gagnlegur þegar bakkað er út úr stæði þar sem hann varar ökumann við aðvífandi hættu frá báðum hliðum. Kerfið notar bæði hljóðrænar og myndrænar viðvaranir til að gera ökumanni viðvart, líka þegar eitthvað byrgir honum sýn.
ÚTGÖNGUSKYNJARI
Lætur farþega sem eru að fara að stíga út úr aftursætum bílsins vita af bílum eða hjólreiðafólki sem nálgast. Viðvörunarljós blikkar á hurðinni ef eitthvað nálgast. Ljósið slokknar þegar óhætt er að opna dyrnar.
BLINDSVÆÐISHJÁLPARPAKKI
Blindsvæðishjálparpakkinn okkar auðveldar þér að greina og bregðast rétt við mögulegum árekstri til að þú getir ekið af meira öryggi. Inniheldur: blindsvæðishjálp, umferðarskynjara að aftan og útgönguskynjara.
SJÁLFVIRKUR HRAÐASTILLIR MEÐ STÝRISAÐSTOÐ
Þegar aka þarf langa leið eða í þungri og hægri umferð kemur sér vel að vera í bíl með sjálfvirkum hraðastilli með stýrisaðstoð. Hraðastillirinn tryggir þetta með því að hnika stýrinu varlega til, með hröðun og með hemlun til að miðja bílinn á akreininni og halda ákveðinni fjarlægð frá bílum fyrir framan. Smávægileg viðbótarstýring af hálfu kerfisins dregur úr líkamlegu álagi við að halda bílnum á miðri akrein.
BAKKMYNDAVÉL MEÐ ÁREKSTRARÖRYGGI
Ef ökutæki sem nálgast að aftan hægir ekki á sér reynir I-PACE að vara viðkomandi ökumann við með því að blikka hættuljósunum.
Finndu rafmagnaða samsetningu afkasta, tækni og útlits í Jaguar-bíl sem hentar þér.
SETTU SAMAN ÞINN EIGIN BÍL
Ökumenn ættu einungis að nota búnað í innanrými bílsins þegar það er öruggt. Ökumenn þurfa að tryggja að þeir hafi fullkomna stjórn á ökutækinu, öllum stundum.
SETTU SAMAN ÞINN EIGIN BÍL
Notaðu hönnunarsvæðið til að hanna þinn I-PACE.
BÆKLINGAR OG VERÐLISTAR
Frekari upplýsingar um Jaguar-bíla
REYNSLUAKSTUR
Bókaðu reynsluakstur hjá næsta söluaðila
FINNA SÖLUAÐILA
Finndu næsta söluaðila Jaguar