INCONTROL TOUCH

InControl Touch-skjárinn birtir skýrt og viðbragðsfljótt myndrænt viðmót sem bregst við snertingu og strokum til að stjórna lykilþáttum bílsins á fljótlegan og einfaldan máta. Skjárinn er stjórnstöð fyrir leiðsögn, tónlist, síma, hita- og loftstýringu og öryggiskerfi. Til að draga enn frekar úr truflun er InControl Touch búið raddstýringu fyrir handfrjálsa stjórnun. Með InControl Touch opnast þér heimur tengimöguleika og afþreyingar með einni snertingu eða vel völdum orðum. Sæktu InControl Touch-hermiforritið til að kynnast því hvernig kerfið virkar.

Bluetooth®-tenging við síma býður upp á snurðulausa tengingu og stjórn símtala, tengiliða og skilaboða í símanum í gegnum snertiskjáinn, auk spilunar tónlistar. Einfalt, auðvelt og þráðlaust. Að auki er hægt að setja símtöl í bið, slökkva á hljóði þeirra og sameina símtöl í símafund. Raddskipanir gera þér kleift að hafa hendurnar á stýrinu og augun á veginum.

Snertiskjárinn er búinn viðmóti fyrir ítarlegan öryggisbúnað Jaguar-bílsins þíns. Hann birtir mynd frá bakkmyndavélinni með myndrænni útfærslu fyrir fjarlægðir og hljóðviðvörunum. Snertiskjárinn er einnig stjórnstöð bakkskynjarakerfisins sem gerir þér kleift að bakka á öruggan máta út úr bílastæðum og á öðrum svæðum þar sem útsýni er takmarkað.