UPPLÝSINGA- OG AFÞREYINGARKERFI

InControl Touch Pro er framsæknasta margmiðlunarkerfi Jaguar hingað til. Viðbragðsfljótur fjölsnertiskjárinn styður stroku og klemmu og býður upp á tærustu upplifun sjón- og hljóðrænnar afþreyingar sem við höfum boðið upp á. Sérstillanlegur upphafsskjárinn eykur enn við upplifunina sem og raddstjórnun sem styður skipanir á borð við „more like this“ („meira þessu líkt“) fyrir lagaval. Efnisgeymslan er 10 GB SSD-drif sem auk þess býður upp á birtingu Gracenote-plötuumslaga.

InControl Touch er nýtt margmiðlunarkerfi, í boði með XE, XF og F‑TYPE, sem er búið átta tommu snertiskjá með einföldum snerti- og strokuskipunum. Því fylgir fullkomið leiðsögukerfi með tvívíðum og þrívíðum kortum og raddskipunum, hnökralausri tengingu við síma og hita- og loftstýringu, afþreyingu og stjórnbúnað bílsins. InControl Touch er miðstöð fyrir margs konar akstursöryggisbúnað og ýmsan aukabúnað.

InControl Touch Plus, sem aðeins er í boði með F‑TYPE, býður upp á fullkomna stjórn á akstrinum, allt frá hita- og loftstýringu til leiðsagnar, sem og stjórnunar iPod eða MP3-spilara, með birtingu spilunarlista og tónlistar eftir flytjanda, plötu og stefnu. Hægt er að spila tónlist úr stafrænu útvarpi eða AM/FM-útvarpi, af geisladiski, skrám á harða disknum eða tengdu tæki, svo sem iPod. Gerðu hlustunarupplifunina enn áhrifaríkari með framúrskarandi Meridian™-hljóðkerfum. Einnig er hægt að hringja og svara símtölum með stjórnbúnaði á snertiskjánum eða í stýrinu.