Hver rekur Ice Academy fyrir Jaguar og Land Rover?

Quintessentially Travel sér um Ice Academy fyrir Jaguar og Land Rover í samstarfi við Jaguar Land Rover, sem leggur til bílana og sérfróða leiðbeinendur fyrir Jaguar Land Rover Experience. Akstursdagskráin og ísbrautirnar eru hannaðar af Jaguar Land Rover og starfsfólk á staðnum verður þér innan handar vanhagi þig um eitthvað á meðan þú dvelur hjá okkur í Svíþjóð.

Á hvaða tungumáli fer leiðsögnin í Jaguar Land Rover Ice Academy fram?

Dagskráin fer fram á ensku.

Get ég tekið þátt í Ice Academy án þess að aka?

Dagskráin okkar er sérsniðin að því að veita einstaka akstursupplifun. Ekkert stenst samanburð við að aka á ísnum og því mælum við með að gestir skrái sig sem ökumenn. Við gerum okkur aftur á móti grein fyrir því að sumir gestir vilja taka með sér ferðafélaga sem hafa ekki áhuga á að taka þátt í ísakstrinum. Boðið verður upp á aðra dægradvöl en þess ber þó að geta að ekki er víst að alltaf sé hægt að setja saman dagskrá sem nær yfir allan daginn. Reynt verður að verða við óskum þeirra gesta sem vilja fylgjast með ferðafélögum sínum aka á ísnum en það er þó ekki alltaf mögulegt vegna mismunandi aðstöðu við brautirnar.

Hver er hámarksstærð hópa í hverri akstursupplifun?

Hámarksstærð hópa hjá okkur er nú 20 gestir (tveir á hvern bíl). Þetta er bæði gert til að bjóða upp á persónulegri og áhrifameiri upplifun sem og til að bregðast við aðstæðum tengdum COVID-19. Hverjum 20 manna hópi er skipt niður í tvo 10 manna hópa og hvor hópur (fimm bílar) mun aka á mismunandi tímum dagsins til að koma í veg fyrir að of margir safnist saman í einu.

Þarf ég að hafa tiltekna líkamlega getu eða að vera í tilteknu líkamlegu ástandi til að geta tekið þátt?

Til að taka þátt í akstursupplifuninni skaltu ganga úr skugga um að þú vitir ekki til neinna aðstæðna sem gætu komið í veg fyrir að þú getir ekið, svo sem langvinnrar bakveiki (eða svipaðs ástands), andlegs ástands sem gæti haft áhrif á ökuhæfni þína, slæmrar sjónar sem uppfyllir ekki kröfur fyrir akstur, þungunar, sjúkdóma í öndunarfærum eða hjartakvilla.

Hvaða önnur afþreying er í boði?

Boðið er upp á Hot Lap-hringi, ökuferð við norðurheimskautsbauginn, hundasleðaferðir og snjósleðaferðir (gegn aukagjaldi), sem hægt er að bóka fyrirfram þegar pantað er pláss í Jaguar Land Rover Ice Academy. Frekari upplýsingar um þessa og aðra afþreyingu sem í boði er fást hjá samstarfsaðila okkar, Quintessentially Travel:
Netfang: iceacademy@quintessentially.com eða sími: +44 207 291 5253 (09:00–17:30 (GMT), mánudaga til föstudaga, utan opinberra frídaga. Símafyrirtæki kann að innheimta gjöld.

Hvenær er lokað fyrir bókanir?

Lokað verður fyrir bókanir 30 dögum fyrir upphafsdag hverrar ferðar.

Þarf ég að kaupa viðbótartryggingu til að geta ekið?

Ekki er þörf á viðbótarbílatryggingu en áskilið er að gestir kaupi sér víðtæka ferðatryggingu. Ef spurningar vakna vegna þessa skaltu hafa samband við samstarfsaðila okkar, Quintessentially Travel:
Netfang: iceacademy@quintessentially.com eða sími: +44 207 291 5253 (09:00–17:30 (GMT), mánudaga til föstudaga, utan opinberra frídaga. Símafyrirtæki kann að innheimta gjöld.

Hvað er innifalið í verðinu fyrir Ice Academy Jaguar og Land Rover?
Eftirfarandi er almennt innifalið:
• Allur akstur • Hótelgisting (með tvíbreiðu rúmi) • Morgunverður, hádegisverður og kvöldverður • Drykkir með mat • Ferðir til og frá Arvidsjaur-flugvelli.

Á ferðaáætluninni er að finna nákvæmar upplýsingar um það sem er innifalið í þinni ferð. Hafðu í huga að vegna þess að akstur er stór hluti af dagskránni er áfengi eingöngu innifalið með kvöldverði og í takmörkuðu magni. Gosdrykkir, te og kaffi er innifalið með öllum máltíðum.

Hvað er ekki innifalið í verðinu fyrir akstursupplifunina?

• Flug, máltíðir og drykkir sem ekki eru tilgreind í dagskránni • Önnur dægradvöl (t.d. Hot Lap-hringir, ökuferð við norðurheimskautsbauginn, hundasleðaferðir og snjósleðaferðir) • Gjöld fyrir vegabréfsáritun (ef það á við) • Ferðatryggingar • Hvers kyns tilhögun fyrir eða eftir ferð sem ekki er að finna á ferðaáætluninni.

Hver ekur bílnum?

Þú! Hópur Jaguar Land Rover-leiðbeinenda verður þér innan handar til að veita sérfræðiráðgjöf og tilsögn en það ert þú sem situr undir stýri.

Ég hef aldrei áður ekið á ís. Get ég samt sem áður tekið þátt í Ice Academy Jaguar og Land Rover?

Algjörlega – aksturinn er hugsaður fyrir ökumenn á öllum getustigum. Þú færð ítarlegar akstursleiðbeiningar og sérfróðir Jaguar Land Rover-leiðbeinendur okkar verða þér innan handar til að veita sérfræðiráðgjöf og leiðbeiningar á ísnum með aðstoð talstöðva sem komið er fyrir í hverjum bíl. Í dagskrám fyrir lengra komna er eindregið mælst til þess að þátttakendur hafi einhverja fyrri reynslu af ísakstri eða akstri við hálar aðstæður.

Hvaða bílum fæ ég að aka?

• Ísakstur: • Jaguar F-TYPE R, Jaguar F-PACE, Range Rover Sport

• Ísakstur+: • Jaguar F-TYPE R, Jaguar F-PACE, Range Rover Sport

• Ísakstur fyrir lengra komna: • Jaguar F-TYPE R, Jaguar F-PACE, Range Rover Sport. Þessum verður einnig ekið: Jaguar F-TYPE SVR (20MY), Jaguar F-PACE SVR, Jaguar XE SV Project 8, nýr Land Rover Defender, auk ferðar sem farþegi í Jaguar I-PACE eTrophy

• Ísakstur fyrir lengra komna +: • Jaguar F-TYPE R, Jaguar F-PACE, Range Rover Sport. Þessum verður einnig ekið: Jaguar F-TYPE SVR (20MY), Jaguar F-PACE SVR, Jaguar XE SV Project 8, nýr Land Rover Defender, auk ferðar sem farþegi í Jaguar I-PACE eTrophy

Einstaka sinnum gætum við þurft, og við áskiljum okkur rétt til, að skipta um eða skipta út tilgreindum bíl vegna kringumstæðna sem við höfum ekki stjórn á.

Eru bílarnir beinskiptir eða sjálfskiptir?

Allir bílar í þessari dagskrá eru sjálfskiptir.

Eru bílarnir með stýrið vinstra eða hægra megin?

Bílarnir eru ýmist með stýrið hægra eða vinstra megin. Viðskiptavinum sem þykir ekki þægilegt að aka öðrum hvorum megin í bílnum er velkomið að láta leiðbeinendurna vita og þeir munu þá gera sitt besta til að uppfylla þarfir þeirra.

Hver er lágmarksaldurinn fyrir þátttöku?

Lágmarksaldur fyrir þátttöku í ísakstrinum er 21 ár með fullt ökuleyfi í þrjú ár. Þátttökualdur fyrir akstur á almennum vegum (t.d. í ökuferð við norðurheimskautsbauginn) er 25 ár með fullt ökuleyfi í þrjú ár.

Hvers konar ökuleyfi þarf ég að hafa?

Allir ökumenn verða að vera með fullt og gilt ökuleyfi. Þú færð sendan veftengil á vefeyðublað sem þú þarft að fylla út fyrirfram til þess að staðfesta gildi ökuleyfisins.
Allir ökumenn verða að búa yfir að minnsta kosti þriggja (3) ára samfelldri akstursreynslu með fullt leyfi án þess að hafa lent í alvarlegu óhappi eða fengið sekt undanfarin tvö (2) ár. Ökumenn verða að vera orðnir 25 ára og mega ekki vera með meira en 6 refsipunkta á ökuskírteininu sínu (þar sem við á) til að geta tekið þátt í hvers kyns akstri á vegum sem innifalinn er í dagskránni. Þú verður að láta okkur vita ef þú ert með fleiri en 6 refsipunkta á ökuskírteininu þínu.

Hversu margir eru í hverjum bíl?

Í ísakstri og ísakstri+ deila tveir hverjum bíl. Í dagskránni fyrir lengra komna verður stundum boðið upp á kennslu þar sem aðeins er einn ökumaður og leiðbeinandi frá Jaguar Land Rover. Ef þú ert ein(n) á ferð skaltu lesa COVID-19 hlutann.

Fæ ég minn eigin bíl ef ég er að ferðast ein(n)?

Nei. Ef þú ert ein(n) á ferð verðurðu í bíl með öðrum gesti. Þú færð hins vegar þitt eigið hótelherbergi. Lestu COVID-19-hlutann.

Mega börn taka þátt í Ice Academy Jaguar og Land Rover?

Ice Academy Jaguar og Land Rover hentar ekki börnum af öryggisástæðum og vegna öfga í veðurfari á staðnum.

Hvernig rúm eru í boði?

Við bjóðum upp á tvíbreið rúm í öllum herbergjum. Ekki er boðið upp á einbreið eða tvískipt rúm.

Þarf ég vegabréfsáritun?

Flest lönd utan Evrópusambandsins þurfa vegabréfsáritun til að ferðast til Svíþjóðar og Evrópusambandsins. Hafðu samband við ræðismannsskrifstofuna á þínum stað til að athuga hvaða kröfur gilda fyrir þig. Þurfir þú boð til að fá vegabréfsáritun skaltu hafa samband við samstarfsaðila okkar, Quintessentially Travel, og þau munu sjá um að útvega það: Netfang: iceacademy@quintessentially.com eða sími: +44 207 291 5253 (09:00–17:30 (GMT), mánudaga til föstudaga, utan opinberra frídaga. Símafyrirtæki kann að innheimta gjöld.

Hvaða gjaldmiðill er notaður í Svíþjóð?

Innlendur gjaldmiðill er sænskar krónur (SEK).

Hvern get ég haft samband við ef ég þarfnast aðstoðar vegna flugferða eða mig langar að lengja ferð mína?

Samstarfsaðili okkar, Quintessentially Travel, aðstoðar þig með ánægju við að bóka flug og lengja ferðina. Quintessentially Travel er alhliða ferðaskrifstofa og starfsfólk hennar er reiðubúið að gera Ice Academy-upplifun þína enn betri. Hægt er að hafa samband á eftirfarandi hátt: Netfang: iceacademy@quintessentially.com eða sími: +44 207 291 5253 (09:00–17:30 (GMT), mánudaga til föstudaga, utan opinberra frídaga. Símafyrirtæki kann að innheimta gjöld.

Þarf ég sérstakan fatnað?

Hitastigið við aksturinn getur farið niður í -30 °C eða meira og því biðjum við gesti um að taka með sér viðeigandi hlýjan, veðurþolinn fatnað og skófatnað. Fatnaður er ekki útvegaður og því mælum við með að allir þátttakendur taki eftirfarandi með sér:

• Hlýja húfu • Hlýja hanska/vettlinga • Ullartrefil • Hlýjan undirfatnað (með síðum ermum/skálmum) • Jakka/úlpu með góðri einangrun • Ullarpeysu eða flíspeysu • Nokkur létt lög til viðbótar sem hægt er að bæta við eftir þörfum • Sterkan og þægilegan skófatnað (sem hentar fyrir akstur) • Sólgleraugu

Ef gestir bóka aðra afþreyingu (þ.m.t. en ekki takmarkað við snjó- eða hundasleðaferðir) fylgir viðeigandi hlífðarfatnaður með í bókuninni. Tæmandi upplýsingar fást við bókun hjá starfsfólki Quintessentially Travel.

Hvaða kröfur eru gerðar um kvöldklæðnað?

Ekki eru gerðar sérstakar kröfur um kvöldklæðnað.

Hvað gerist ef veðrið hentar ekki fyrir ísakstur?

Ef loka þarf ísflötinni af öryggisástæðum vegna veðurs verður boðið upp á aðra dagskrá í staðinn.

Má ég taka með mér myndavél eða upptökuvél?

Já, að sjálfsögðu, en hafðu í huga að Jaguar Land Rover Ice Academy fer fram á leynilegu prófunarsvæði Jaguar Land Rover fyrir kalt loftslag og því gilda einhverjar takmarkanir um myndatöku. Drónar eru bannaðir.